Miljø og Bærekraft
God utdanning
Vi er godkjend lærebedrift i Veg- og anleggsfaget, Anleggsmaskinførarfaget og Transportfaget, og tek inn nye lærlingar årleg. Med representantar frå firmaet i fagprøvenemnda, samt utstrakt bruk av hospitering for elevar i vidaregåande opplæring, arbeider vi aktivt med rekruttering til faget.
Ansvarleg forbruk og produksjon
Vi skal bidra til ansvarleg forbruk og produksjon ved å minimere forbruk av drivstoff, gjere berekraftsvurderingar knytt til innkjøp av materiell, utstyr, maskiner og køyretøy, så vel som bygningsmasse med meir. Alle massar som kan gjenbrukast, skal gjenbrukast, og det skal alltid søkjast kortast mogleg transportveg for massar og materiell inn og ut av prosjekt.
Livet på land
Gjennom totalleveranse av grunn- og utomhusarbeid bidreg vi til å skape det gode liv på land. Fokus på vedlikehaldsvennlege utomhusareal med miljøvennlege produkt, kompost og gjenbruk av massar og materiell. Vi jobbar aktivt for å hindre spreiing av framande artar, og føreslår berekraftige løysingar ved nyetablering av utomhusområde der vi blir spurde til råds.
Berekraftige byar og lokalsamfunn
Vi skal bidra til å redusere den negative påverknaden vår på miljøet. For å redusere eige miljøavtrykk skiftar vi gradvis ut bil-, maskin- og utstyrsparken til meir miljøvennlege modellar, anten det er fullelektrisk, hybride løysingar eller ny reinseteknologi. Rett ved hovudverkstaden vårt er det lagt til rette for hurtiglading, noko som støttar opp under bruken av elektriske køyretøy og maskiner i det daglege arbeidet vårt.
Ansvarleg forbruk og produksjon
Gjennom samarbeid og erfaring søkjer vi løysingar som reduserer uønskt utslepp av avrenningsvatn frå anleggsområde, gode løysingar for fiskevandring, størst mogleg bruk av opne bekkeløp med meir. Dette er med på å betre vilkåra for livet i havet og samspelet med det biologiske og marine miljøet på land/oppstraums. Etablering av sedimenteringsbasseng, både mellombelse og permanente, saman med pumpesystem og materiell, gir oss høve til å gjere det vi kan for å minimere påverknaden på vassmiljøet – i innsjø, elv, bekk, tjern, vatn og hav.
Samarbeid for å nå måla
Mantraet vårt er samarbeid mot felles mål. Vi jobbar aktivt saman med kundar og leverandørar for å finne dei mest berekraftige løysingane i kvart enkelt tilfelle. Gjennom samarbeid får kunden eit betre produkt, til rett pris og med rett kvalitet. Vi har lang erfaring med samhandlingskontraktar i ulike former, og meiner det er ein gjennomføringsmetodikk som gir det klart beste sluttresultatet for alle partar.