Ivaretaking av opningslova

Opningslova skal fremje respekten for grunnleggjande menneskerettar og anstendige arbeidsforhold i verksemder, og sikre allmenta sin tilgang til informasjon. Lova pålegg Nomeland Maskin AS ei plikt til å gje informasjon og mellom anna gjennomføre aktsemdsvurderingar.

Lova inneber òg at allmenta skal ha tilgang til informasjon om desse forholda og arbeidet som blir gjort for å sikre dei.

Nomeland Maskin ønskjer at forretningsforholda våre skal basere seg på tillit og openheit, og at leverandørane våre deler haldninga vår til etikk og etterleving. Leverandørane og avtalepartnarane våre skal respektere grunnleggjande krav til menneskerettar, arbeidstakarrettar og miljø.

Vi gjennomfører arbeidet med å ivareta lova i tråd med OECD sin metodikk for aktsemdsvurderingar. Vi har starta arbeidet med å kartleggje leverandørkjedene våre med tanke på risikoområda som blir omfatta av opningslova, og har kontakta enkelte leverandørar for å få meir informasjon. Dette arbeidet vil vere ein kontinuerleg prosess der vi gradvis avdekkjer potensiell risiko, avklarer om han er reell, og eventuelt arbeider for å redusere eller fjerne mogeleg skade.

Forklaring av aktsemdsvurdering

Gjennomføringa av aktsemdsvurderingar skal baserast på OECD sin modell for aktsemdsvurderingar for ansvarleg næringsliv.

Gjennomføring av aktsemdsvurderingar

Aktsemdsvurderingar skal gjennomførast etter følgjande arbeidsmetodikk:

• Vi skal halde arbeidsmøte for gjennomføring av aktsemdsvurderingar minst to gonger per år

• På arbeidsmøtet skal vi kartleggje risiko knytt til innkjøpa våre av varer og tenester

• Vi skal søkje tilgjengeleg informasjon om leverandørkjeder og risikokartlegging frå bransjeforeiningar vi er tilknytte, og frå andre aktørar

• Basert på risikokartlegging og prioritering av vesentlege område skal vi prioritere forbetringstiltak

• Resultata frå risikokartlegginga skal dokumenterast i ei skriftleg utgreiing. Denne utgreiinga frå aktsemdsvurderingane våre skal vere lett tilgjengeleg på nettsida til verksemda i samsvar med opningslova

• Vi skal informere i årsmeldinga, i samsvar med opningslova, om kvar utgreiinga er tilgjengeleg, og oppdatere og offentleggjere utgreiinga innan 30. juni kvart år

Om det generelle risikonivået for Nomeland Maskin AS

Vi vurderer det generelle risikonivået som svært avgrensa. Alle tilsette er tilsette i og arbeider i Nomeland Maskin AS. All utvikling og produksjon av tenestene våre skjer i eiga regi i Noreg.

I tillegg har vi ingen leverandørar i risikoutsette område. Alle leverandørar er norske, og det er svært sjeldan at underleverandørane våre nyttar underleverandørar frå utlandet.

På grunn av den avgrensa storleiken på verksemda har leiing og styre god oversikt over – og innsyn i – verksemda. Både styret og leiinga meiner det er ein sjølvsagt ting at selskapet sjølv tilbyr meir enn anstendige arbeidsforhold til alle tilsette, og at alle leverandørane skal gjere det same.

Konkrete aktsemdsvurderingar

Nomeland Maskin sitt arbeid med aktsemdsvurderingar er i gang, og konkrete vurderingar av område og leverandørar blir gjennomførte fortløpande.